Հայ գրականութիւն, Ե․ տարի

Եղիշէ Չարենց (1897-1937)

Հայ մեծատաղանդ բանաստեղծ Եղիշէ Չարենց, բուն անունով Եղիշէ Սողոմոնեան, ծնած է Կարս քաղաքը։ Հայրը՝ Աբգար աղան, գորգավաճառ էր։ Ապագայ հանճարեղ բանաստեղծին մանկական և պատանեկան տարիները կ՝անցնեն Կարսի մէջ, ուր կը ստանայ իր նախնական և միջնակարգ կրթութիւնը․ հո՜ն կը գրէ նաեւ իր առաջին ոտանաւորները։ Երբ կը սկսի առաջին համաշխարհային պատերազմը, Չարենց կամաւոր կ՝արձանագրուի և կռուելու համար կ՝երթայ տաճկական սահմանը։ 1915-ին կ՝անցնի Մոսկուա՝ ուսանելու։ 1918-1919 թուականներուն կարմիր բանակի զինուոր կ՝ըլլայ։ 1919-ին կու գայ Երեւան, կը զբաղի ուսուցչութեամբ, ապա Հայաստանի մէջ նոր կարգեր հաստատուելէն քանի մը ամիս ետք նորէն կը մեկնի Մոսկուա՝ ուսումը կատարելագործելու։

․․․