Չորս անձնազոհ պատանիները

Իրական դէպք մըն է, որ այս գրքոյկով կը ներկայացնէ Հայկակ Կոսոյեան՝ ուսուցիչը “Չորս անձնազոհ պատանիներ”ուն, գրի առնուած խոր յուզումով և գունագեղ ոճով մը։

Ուսուցիչ Կոսոյեան, այդ դէպքէն հազիւ տասնամեակ մը ետք, դարձաւ վարիչ դէմքը Վան Քաղաքամիջի ապստամբութեան։ Ինչ կասկած, որ չորս անձնուէր հայորդիներու արիութիւնը տեղ մը գրաւած էր իրենց ուսուցչին հայդուկ դառնալուն մէջ։ 

“Չորս անձնազոհ պատանիներ” գրքոյկը կարդալով, ընթերցողը իր մտքի եւ հոգիի տեսողութեամբ կը փոխադրուի պատմական Աղթամար, հոն կը հանդիպի Դանիէլ վրդ․ Զատոյեանին, Իշխանին, Վանի Սարգիսին և նահատակուած պատանի Յակոբին։