Ամէնուն տարեգիրքը 1962, Թ․ տարի

Անխուսափելի էր յապաղումը, որով հրապարակ կ՝ելլէ “Ամէնուն Տարեգրքի” այս տարուան 9րդ հատորը։ Աւելի քան հինգ ամիսներ բացակայեցանք Պէյրութէն, կատարելու համար ուսումնասիրական շրջապտոյտ մը Ամերիկայի Միացեալ Նահանգներուն եւ Գանատայի մէջ եւ տալու այդ երկու երկիրներու հայութեան համապատկերը, իբրեւ շարունակութիւնը Տարեգրքիս “Մեր Գաղութները” բաժնին, որ այնքան հետաքրքրութեամբ կարդացուեցաւ մինչեւ այսօր Սփիւռքի մեր բազմահազար ընթերցողներուն կողմէ։ Հակառակ մեր արագընթաղ ճամբորդութեան - ճիշդ պիտի ըլլար ըսել՝ վազքին - ուշացաւ մեր վերադարձը եւ այդ պատճառով ալ, շուրջ երկու ամիսով ուշացաւ նաեւ այս հատորին հրատարակութիւնը։