Մայրենի լեզու, Բ․ տարի (վեցերորդ հրատարակութիւն)

Կարդա՜

Իմ ժի՜ր մանուկ, կարդա՜, գրէ՜,

Ձգտէ՜ լոյսի, գիտութեան,

Ամբողջ սրտով դուն գիրք սիրէ,

Գրքերը քեզ ուժ կու տան։

Եթէ կ՝ուզես դառնալ հերոս,

Վարել նաւ ու սաւառնակ,

Մարդուն լոյս տալ՝ ինչպէս փարոս,

Կարդա՜, գրէ՜ շարունակ։

Եթէ կ՝ուզես տիեզերքին

Ամէն գաղտնիքն իմանալ,

Քեզ ենթարկել ծով ու երկիր,

Կարդա՜, գրէ՜ դուն յամառ։

Առանց ուսման ու գիտութեան

Դուն կ՝ըլլաս միշտ խեղճ ու թոյլ,

Ուսումը զէնք է յաղթութեան, 

Ան կը բանայ ամէն դուռ։