Մայրենի լեզու, Ա․ տարի

Իմ դասագիրք

Ի՜մ դասագիրք, սիրո՜ւն մատեան,

Բա՜ց էջերդ իմաստութեան․

Գիտելի՜ք տուր, մի՜տք պիտանի,

Գիտակ ըլլամ ամէն բանի։

Դուն հոգւոյս մէջ մի՜շտ պահէ վառ

Հայերէնը մեր ոսկետառ․

Մեծնամ սիրովն Հայրենիքիս,

Պարծանք դառնամ ժողովուրդիս։

հայ լեզու

Պիտի սորվիմ ես իմ լեզուս մայրենի

Ուր ալ ըլլամ, որ երկինքին տակ օտար․

Պահապանն է ան իմ երկրին հայրենի,

Զոր կը սիրեմ եւ զոր երբեք չեմ մոռնար։